SJ Health - шаблон joomla Авто

ДОНИШНОМАИ ФАРҲАНГИ МАРДУМИ ТОҶИК

ДОНИШНОМАҲОИ БАЧАГОНА

ДОНИШНОМАИ НОҲИЯҲО

ДОНИШНОМАИ ДОНИШМАНДОНИ ТОҶИКИСТОН

18 октябри соли 2018 дар бинои Муассисаи давлатии «Китобхонаи давлатии бачагонаи ҷумҳуриявии ба номи М. Миршакар» дар доираи Намоишгоҳи ҳаштуми байналмилалии «Китоби Душанбе» муаррифии китобҳои тозанашр баргузор гардид.

Дар расми кушодашавии намоишгоҳ Вазири фарҳанги Ҷумҳурии Тоҷикистон Шамсиддин Орумбекзода оғози ин чорабинии бонуфузи фарҳангиро ба аҳли фарҳанг, ноширону китобдӯстон ва адибону мутафаккирон шодбош гуфт. 

«Маҳз аҳли фарҳанг баҳри ба наслҳои оянда бегазанд расонидани арзишҳои маънавии гузаштагон талош варзида, анъанаҳои таърихии миллатро зинда нигоҳ медорад ва сайқал медиҳад». Бо ин каломи раҳнамунсози Асосгузори сулҳу Ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба сухани табрикотии худ ифтитоҳ бахшида, дар ин рӯзи фархунда изҳори умед мекунам, ки ноширон, аҳли илму адабу ирфони кишвар ва кулли ашхосе, ки бо беҳтарин неъмат – китоб сару кор доранд, рисолати таърихии худро дар бобати пайваста зинда нигоҳ доштани мероси пурғановати аҷдодиамон, ки пеш аз ҳама тавассути китоб – эҷоди асарҳои баландғоя амалӣ мешавад, бо ифтихори миллӣ ба ҷо меоранд», - иброз дошт Вазири фарҳанг. 

Ӯ инчунин зикр намуд, ки тамоми дастовардҳои инсоният тӯли қарнҳо маҳз дар хазинаи китоб ба таври эътимодбахш нигоҳ дошта мешаванд ва хизматеро, ки китоб дар инъикос ва ҳифзи таърих адо мекунад, ҳеҷ як шакли чопи электронӣ иваз карда наметавонад.

Хушбахтона, дар хонадони тамоми наслҳои тоҷикон аз даврони ориён то имрӯз китоб беҳтарин нигора маҳсуб меёбад», - илова намуд Шамсиддин Орумбекзода.

Вазири фарҳанги Тоҷикистон инчунин меҳмонон ва иштирокчиёни хориҷии намоишгоҳро хайрамақдам гуфт: «Имрӯз намояндагони миллатҳои ба мо дӯсту қарин дар кишваре, ки китоб хеле гиромӣ мебошад ва хурду бузург ба он арҷ мегузоранд, дар намоишгоҳи байналмилалии мо чун сафирони сулҳу маърифат ширкат меварзанд». 

Сипас, иштирокчиён ва меҳмонони чорабиниро Шоири халқии Тоҷикистон Гулназар Келдӣ табрик гуфт. Ӯ оид ба муқаддас будани китоб дар ҳаёт ва рӯзгори халқи тоҷик ҳарф зада, хусусан ба китобдӯстони хурдсол таъкид намуд, ки китоб дар ҷашнҳо беҳтарин ҳадя барои каси дигар аст. 

Меҳмонону китобдӯстон аз гӯшаҳои гуногуни намоишгоҳ дидан намуданд. Маҳфили шеъру суруд дар васфи китоб бо иштироки толибилмони макотиби таҳсилоти умумӣ ва ҳофизон ба чорабинии фарҳанги ҳусни дигар бахшид. 

Дар Намоишгоҳи ҳаштуми байналмилалии «Китоби Душанбе» намояндагони кишварҳои Россия, Ӯзбекистон, Ҳиндустон, Туркия, Афғонистон, Фаронса ва Амрико низ ширкат меварзанд. Шумораи умумии муассисаҳои иштирокчӣ, яъне нашриёт, китобхонаҳо, ташкилоти байналхалқӣ, донишгоҳҳо ва ҷамъиятҳо 50 ададро ташкил медиҳад. Дар чорабинӣ наздики 25000 адабиёти тозанашр пешниҳоди мухлисони китоб гардид.

© vfarhang.tj

ДФМ 1

«Донишномаи фарҳанги мардуми тоҷик»-и Сарредаксияи илмии Энсиклопедияи Миллии Тоҷик дар Озмуни XV байналмилалии «Санъати китоб», ки 29 июни соли 2018 дар Китобхонаи миллии Тоҷикистон баргузор шуд, сазовори Шоҳҷоизаи озмун гардид.

Инчунин чанд китоби дигари муассиса дар бахшҳои гуногун сазовори ҷой ва диплом гардиданд: «Шинохт ва ёдгирӣ» ҷойи якум дар бахши «Адабиёти таълимӣ», «Тақсимоти маъмурии Ҷумҳурии Тоҷикистон» ҷойи дуввум дар бахши «Кишвари ман», «Донишномаи донишмандони Тоҷикистон дар ибтидои қарни XXI» ва Донишномаи бачагонаи «Чӣ? кай? Дар куҷо?» (дипломҳои махсуси озмун).

Шоистаи ёдоварист, ки Озмуни байналмилалии «Санъати китоб»-и Шӯрои байнидавлатӣ оид ба ҳамкорӣ дар соҳаи матбуоти даврӣ, нашри китоб, савдою тавзеъи китоб ва корҳои ноширии кишварҳои ИДМ аз соли 2004 инҷониб баргузор мегардад. Дар озмуни мазкур зиёда аз 107 адабиёти тозанашр аз кишварҳои Тоҷикистон, Қазоқистон, Қирғизистон, Туркманистон, Руссия ва Беларус пешниҳод гардиданд.

Ҳакамони озмун зикр намуданд, ки аз Тоҷикистон соли равон барои иштирок дар озмун се Донишнома пешниҳод гардид. «Нашри се Донишнома дар муддати як-ду сол кори саҳл нест, ва ин аз он далолат медиҳад, ки дар Ҷумҳурии Тоҷикистон ба нашри адабиёти зарурӣ диққати ҷиддӣ медиҳанд», — гуфт Александр Воропаев, ки узви ҳакамон аз Федератсияи Россия буд.

Гузориши тасвирӣ аз ҷараёни муаррифии китобҳо:

Ҷараёни шанбегӣ дар СИ ЭМТ Ҷараёни шанбегӣ дар СИ ЭМТ Ҷараёни шанбегӣ дар СИ ЭМТ

 

Навид

НАМОИШГОҲИ ҲАШТУМИ БАЙНАЛМИЛАЛИИ «КИТОБИ ДУШАНБЕ»

18 октябри соли 2018 дар бинои Муассисаи давлатии «Китобхонаи давлатии бачагонаи ҷумҳуриявии ба номи М. Миршакар» дар доираи Намоишгоҳи ҳаштуми байналмилалии «Китоби Душанбе» муаррифии китобҳои тозанашр баргузор гардид. Дар расми кушодашавии намоишгоҳ Вазири фарҳанги Ҷумҳурии Тоҷикистон Шамсиддин Орумбекзода оғози ин чорабинии бонуфузи фарҳангиро ба аҳли фарҳанг, ноширону китобдӯстон ва адибону мутафаккирон шодбош гуфт.  «Маҳз

+ View

ШОҲҶОИЗАИ ДОНИШНОМАИ ФАРҲАНГИ МАРДУМИ ТОҶИК

«Донишномаи фарҳанги мардуми тоҷик»-и Сарредаксияи илмии Энсиклопедияи Миллии Тоҷик дар Озмуни XV байналмилалии «Санъати китоб», ки 29 июни соли 2018 дар Китобхонаи миллии Тоҷикистон баргузор шуд, сазовори Шоҳҷоизаи озмун гардид. Инчунин чанд китоби дигари муассиса дар бахшҳои гуногун сазовори ҷой ва диплом гардиданд: «Шинохт ва ёдгирӣ» ҷойи якум дар бахши «Адабиёти таълимӣ», «Тақсимоти маъмурии Ҷумҳурии Тоҷикистон» ҷойи дуввум

+ View

КИТОБИ «ДОНИШНОМАИ ДОНИШМАНДОНИ ТОҶИКИСТОН ДАР ИБТИДОИ ҚАРНИ XXI» АЗ ЧОП БАРОМАД

ХУШХАБАР Арҷмандтарин табақаи иҷтимоӣ дар ҳар давру замон ва дар ҳар кишвару мамлакате донишмандони он будаанд ва ҳар мамлакатро дар ҷаҳон эътибори маънавӣ аслан ба воситаи мавҷудияти эшон будааст. Ва аз ин аст, ки ҳар сухани бузург, ки дар ҷаҳон гуфтаанд, онро бештар барои шахси донишманде гуфтаанд ва ҳар сухани ҷаҳонгир, ки дар олам мунташир аст, гуфтаи донишмандест. Пас, барои аҳли ҳар мамлакат воҷиб аст, ки аз ин табақаи иҷтимоии

+ View

МУАРРИФИИ ДУ КИТОБИ ДОНИШНОМАӢ ДАР КИТОБХОНАИ МИЛЛИИ ТОҶИКИСТОН

Дар  Китобхонаи миллии Тоҷикистон  дар ҳамкорӣ бо Муассисаи давлатии Сарредаксияи илмии Энсиклопедияи Миллии Тоҷик муаррифии китобҳои «Тақсимоти маъмурии Ҷумҳурии Тоҷикистон» ва «Донишномаи фарҳанги мардуми тоҷик» баргузор гардид. Дар нишаст зиёда аз 60 нафар мутахассисону донишҷӯён аз Маҷлиси миллии Маҷлиси олии Ҷумҳурии Тоҷикистон, Вазорати фарҳанги Ҷумҳурии Тоҷикистон, Кумитаи забон ва истилоҳоти назди Ҳукумати Ҷумҳурии

+ View

ЭНСИКЛОПЕДИЯИ МИЛЛИИ ТОҶИК

ЭНСИКЛОПЕДИЯИ СОВЕТИИ ТОҶИК

ТОЗАНАШР