«Таърихи Бухоро»-и Наршахӣ

Сарредаксияи илмии Энсиклопедияи миллии тоҷик дар арафаи ҷашни бошукӯҳи 35-солагии Истиқлоли давлатии Тоҷикистон «Таърихи Бухоро»-и Наршахиро ба чоп расонид, ки он яке аз беҳтарин намунаҳои насри порсии садаи дувоздаҳум ва тарҷумаи мухтасаре аз асли арабии ин шоҳкор дониста мешавад.
«Таърихи Бухоро»-и Наршахӣ яке аз сарчашмаҳои нодире барои омӯзишии таърихи сиёсӣ, иҷтимоӣ, иқтисодӣ ва фарҳангии асримиёнагии мардуми тоҷик аст. Дар он маълумоти муҳиме роҷеъ ба эътиқодоти пешазисломии аҷдоди тоҷикон, интишори ислом дар Мовароуннаҳр ва набарду қаҳрамонии мардумони маҳаллӣ дар баробари лашкариёни араб гирдоварӣ шудааст. «Таърихи Бухоро» барои омӯзиши таърихи давлатдории Сомониён низ маъхази нодир мебошад.
Китоб барои дӯстдорони таърихи миллати тоҷик, дар умум барои аҳли илму фарҳанг пешбинӣ шудааст.
Барои харидории китоб метавонед ба Муассисаи давлатии Сарредаксияи илмии Энсиклопедияи миллии тоҷик муроҷиат намоед.