Ҳамоиш бахшида ба Рӯзи Артиши миллӣ

Имрӯз дар Муассисаи давлатии Сарредаксияи илмии Энсиклопедияи миллии тоҷик ба муносибати 33-юмин солгарди таъсиси Артиши миллии Ҷумҳурии Тоҷикистон ҳамоиш бо ҳузури кормандону меҳмонон баргузор гардид.

Дар оғози ҳамоиш сармуҳаррири СИЭМТ, Сайидҷалол Ҳусайнӣ дар бораи аҳаммият ва ҷойгоҳи артиш дар низоми давлатдорӣ ва таъмини амнияту суботи кишвар сухан гуфт.

Ҳамчунин дигар ҳамкорон низ перомуни нақши артиш дар ҳифзи истиқлол ва тамомияти арзии кишвар суҳбат карданд.

Дар бахши фарҳангии ин ҳамоиш, гурӯҳе аз хонандагони Гимназияи №74 бо иҷрои сурудҳои меҳанпарастона фазои ҷашнӣ эҷод карданд ва дар поён бо китобҳои хотиравӣ қадрдонӣ ва ташвиқ шуданд.

Рӯзи Артиши миллӣ муборак, ҳомиёни Ватан!